Díli, 15 Setembru 2025 (RTVU-O), Xefe Departamentu Radio Televizaun Universidade Oriental (RTVU-O), Revelina Rangel, L.Cs hamutuk ho ekipa hala’o enkontru inisiál ho ekipa husi departamentu Teknolojia Informasaun no Komunikasaun, Sekretáriu Estadu Komunikasaun Sosiál (SEKOMS), ne’ebe lidera hosi Eligio Moniz do Rego nu’udar Assesor Dijitálizasaun SEKOMS iha estúdiu RTVU-O, Becora, Díli.
Iha enkontru ne’e, aleinde halo diskusaun kona-ba asuntu tékniku sira, Assesor Dijitálizasaun SEKOMS mós hato’o mensajen hosi Sekretariu Estadu Komunikasaun Sosiál Expedito Loro Dias Ximenes ne’ebe ho kompromisu hakarak apoiu RTVU-O hodi kria plataforma rádiu dijitál bazeia ba pedidu hosi Departamentu RTVU-O iha loron 8, fulan Setembru, tinan 2025.
Iha fatin hanesan Revelina Rangel, L.Cs, hato’o agradesimentu kle’an ba ba IX Governu Konstitusionál liuhosi SEKOMS, ne’ebé mak responde lalais tebes karta pedidu ida-ne’e. Aleinde ne’e mós, Xefe Departamentu RTVU-O hateten katak, website ida-ne’e sei fasilita estudante, dosente, no públiku sira atu asesu ba programa transmisaun Rádiu Televizaun Universidade Oriental, informasaun sira hanesan notísia universidade, no konteúdu edukasionál no divertimentu nian hosi ne’ebe de’it no bainhira de’it.
Departamentu Rádiu Televizaun Universidade Oriental (RTVU-O), hamahon a’an iha Universidade Oriental Timor-Lorosa’e, tamba ne’e ho nia papel importante maka forma atu sai hadia no haburas kapasidade rekursus umanus, hodi hi’it a’as kualidade edukasaun no informasaun atu dezenvolve di’ak no kredibel siénsia teknologia arte no kultura Timor-Leste nian.
Televizaun Rádiu Universidade Orientál (RTVU-O) tutela iha Gabinete Reitoria sai sai nu’udar sentru ba produsaun informasaun komunidade akadémika hodi publika ba públiku, liuhosi ninia pájina Facebook, kanál YouTube no rádiu ho frekuénsia FM96.4 Mhz.
Média RTVU-O
Leave a Reply